Քահանաները
Տեր Գրիգոր քահանա Հովհաննիսյան
Տեր Գրիգոր (ավազանի անունը՝ Հակոբ) քահանա Հովհաննիսյանը ծնվել է 1958թ. հուլիսի 21-ին Երևանում:
1965-1975 թթ. սովորել է Երևանի թիվ 86 միջնակարգ և Երևանի պետական համալսարանին կից ֆիզիկամաթեմատիկական թեքումով դպրոցներում:
1975-1980 թթ. սովորել է Երևանի պոլիտեխնիկական ինստիտուտի ճարտարապետաշինարարական բաժնում:
1980-2003 թթ. աշխատել է նախագծային, շինարարական տարբեր կազմակերպություններում, ԱՀԹ ՔԴ կենտրոնում և մարդասիրական տարբեր գրասենյակներում:
2003 թ. մայիսի 11-ին ձեռամբ Արարատյան Հայրապետական թեմի առաջնորդական փոխանորդ Տեր Նավասարդ եպիսկոպոս Կճոյանի ձեռնադրվել է սարկավագ:
2003 թ. մայիսի 18-ին՝ Սուրբ Խաչի Երևման տոնին, ձեռամբ Գուգարաց թեմի առաջնորդ Տեր Սիոն եպիսկոպոս Չուլջյանի ձեռնադրվել է ամուսնացյալ քահանա:
2003-2006 թթ. ծառայել է Երևանի Սուրբ Երրորդություն եկեղեցում՝ որպես հոգևոր հովիվ:
2007 թվականից առ այսօր ծառայում է Արգավանդի Ս. Սարգիս եկեղեցում՝ որպես հոգևոր հովիվ: Գարեգին Բ Ամենայն Հայոց կաթողիկոսի օրհնությամբ ստացել է լանջախաչ: Ամուսնացած է, ունի 1 զավակ:
