Քահանաները
Տեր Դերենիկ քահանա Միքայելյան
Տեր Դերենիկ (ավազանի անունը՝ Դավիթ) քահանա Միքայելյանը ծնվել է 1978թ. Արտաշատի շրջանի Շահումյան գյուղում:
1985-1995 թթ. սովորել է տեղի միջնակարգ դպրոցում:
1988-1993 թթ. սովորել է Արտաշատի Մելիք-Փաշաևի անվան երաժշտական դպրոցում:
1995-2001 թթ. սովորել է Մայր Աթոռ Սուրբ Էջմիածնի Գևորգյան Հոգևոր ճեմարանում:
2000 թ. դեկտեմբերի 25-ին՝ Ս. Ստեփաննոս Նախավկայի տոնին, ձեռամբ Տեր Նաթան եպիսկոպոս Հովհաննիսյանի ձեռնադրվել է սարկավագ:
2001-2002 թթ. աշխատել է Մայր Աթոռ Սուրբ Էջմիածնի «Էջմիածին» ամսագրի խմբագրությունում՝ որպես համակարգչային օպերատոր:
2002 թ. գրել է ավարտաճառ «Գրիգոր Բ Վկայասեր կաթողիկոսը և նրա խրատները» թեմայով:
2002-2004 թթ. ծառայել է ՀՀ ազգային բանակում՝ որպես զորամասի հոգևոր սպասավոր:
2004-2005 թթ. ծառայել է ԱՀԹ-ում՝ Ներքին Դվին գյուղի Սուրբ Հարություն եկեղեցում՝ որպես սարկավագ:
2005 թ. սեպտեմբերի 11-ին՝ Սուրբ Խաչի տոնին, ձեռամբ Տեր Մեսրոպ արքեպիսկոպոս Գրիգորյանի ձեռնադրվել է ամուսնացյալ քահանա:
2006 թվականից ի վեր ծառայել է Վեդու Սուրբ Աստվածածին եկեղեցում՝ որպես հոգևոր հովիվ: Ներկայումս Շահումյան գյուղի Սուրբ Աստվածածին եկեղեցու հոգևոր հովիվն է: Ամուսնացած է, ունի 1 զավակ:
