Քահանաները
Տեր Դավիթ քահանա Սահակյան
Տեր Դավիթ (ավազանի անունը՝ Սահակ) քահանա Սահակյանը ծնվել է 1981թ. դեկտեմբերի 23-ին Արմավիրի մարզի Առատաշեն գյուղում:
1989-1999 թթ. սովորել է տեղի միջնակարգ դպրոցում:
1999 թ. ընդունվել է Սևանի Վազգենյան Հոգևոր Դպրանոց, 2003 թ. ուսումը շարունակել է Էջմիածնի Գևորգյան Հոգևոր ճեմարանում:
2004 թ. դեկտեմբերի 25-ին՝ Ս. Ստեփաննոս Նախավկայի տոնին, ձեռնադրվել է սարկավագ ձեռամբ Նոր Նախիջևանի և Ռուսաստանի հայոց թեմի առաջնորդ Տեր Եզրաս արքեպիսկոպոս Ներսիսյանի:
2005 թ. ավարտելով Գևորգյան Հոգևոր ճեմարանը, ծառայության է անցել Մայր Աթոռ Սուրբ Էջմիածնի Մկրտարանում՝ որպես արարողությունների սպասավոր:
Այնուհետև աշխատել է Մայր Աթոռ Սուրբ Էջմիածնի կադրերի բաժնում՝ որպես գործավար քարտուղար, հետո` Մայր Տաճարի լուսարար, ապա՝ Մայր Աթոռի պարետ:
2006 թ. սեպտեմբերի 1-ին նշանակվել է Հայաստանի Հանրապետության ազգային բանակի հոգևոր առաջնորդի օգնական:
2009 թ. հուլիսի 19-ին՝ Պայծառակերպության տոնին ձեռամբ Ամերիկայի Արևելյան թեմի առաջնորդ Տեր Խաժակ արքեպիսկոպոս Պարսամյանի օծվել է ամուսնացյալ քահանա:
2009 թ. օգոստոս-նոյեմբեր ամիսներին ծառայել է Արարատյան Հայրապետական թեմում՝ Երևանի Զորավոր Սուրբ Աստվածածին եկեղեցում՝ որպես ծիսակատար քահանա:
2009 թ. նոյեմբերի 20-ին նշանակվել է Ֆրանսիայի Մարսել քաղաքի Ս. Թարգմանչաց Մայր եկեղեցու հոգևոր հովիվ:
2012 թ. մայիսին վերադարձել է Ֆրանսիայից և հունիսի 15-ից ծառայության անցել Երևանի Ս. Գրիգոր Լուսավորիչ Մայր եկեղեցում՝ որպես ծիսակատար քահանա:
2014 թ. հունվարից խառայում է Արարատի Ս. Հակոբ եկեղեցում որպես հոգևոր հովիվ:
2007 թ. հուլիսի 14-ին ամուսնացել է, ունի 2 զավակ:
