Քահանաները
Տեր Մկրտիչ ավագ քահանա Թովմասյան
Տեր Մկրտիչ (ավազանի անունը՝ Աշոտ) ավագ քահանա Թովմասյանը ծնվել է 1951թ. հուլիսի 17-ին Գեղարքունիքի մարզի Զոլաքար գյուղում: Ավարտել է տեղի միջնակարգ դպրոցը:
1974-76 թթ. ծառայել է խորհրդային բանակում:
1976-1979 թթ. սովորել է Երևանի Խ. Աբովյանի անվան հայկական պետական մանկավարժական ինստիտուտում:
1979-1981 թթ. սովորել է Մայր Աթոռ Սուրբ Էջմիածնի Գևորգյան Հոգևոր ճեմարանում:
1981 թ. ձեռնադրվել է սարկավագ:
1981-1984 թթ. ծառայել է Արարատյան Հայրապետական թեմում՝ որպես սարկավագ:
1984-1988 թթ. աշխատել է Մայր Աթոռ Սուրբ Էջմիածնի Գևորգյան Հոգևոր ճեմարանում՝ որպես վերակացու դաստիարակ:
1989 թ. հուլիսի 2-ին ձեռամբ Տեր Պարգև եպիսկոպոս Մարտիրոսյանի ձեռնադրվել է ամուսնացյալ քահանա: Նույն թվականին Վազգեն Ա Ամենայն Հայոց կաթողիկոսի օրհնությամբ ստացել է լանջախաչ:
1989-1994 թթ. ծառայել է Արցախի թեմում:
1995 թ. Գարեգին Ա Ամենայն Հայոց կաթողիկոսի օրհնությամբ ստացել է ծաղկյա փիլոն:
1994-2001 թթ. ծառայել է Էջմիածնի Ս. Հռիփսիմե վանքում:
2001 թվականից մինչև 2013թ. նոյեմբեր ամիսը ծառայել է Արարատյան Հայրապետական թեմում՝ Նորագավթի Ս. Գևորգ եկեղեցում՝ որպես հոգևոր հովիվ, այնուհետև Ներքին Չարբախի Սուրբ Խաչ եկեղեցու և Սուրբ Խաչ Զորավոր մատուռի հոգևոր հովիվ:
2011 թ. մարտի 1-ին Գարեգին Բ Ամենայն Հայոց կաթողիկոսի օրհնությամբ ստացել է ավագ քահանայության պատիվ: Ամուսնացած է, ունի 3 զավակ:
