ԵԿԵՂԵՑԻՆԵՐԸ
Սբ. Աստվածածին եկեղեցի, Քաղաք Վեդի
Վեդիում հին, կիսաքանդ մատուռ կար, որի տեղում Վեդիի բնակիչ Էդգար Շաբոյանն իր ընտանիքի անդամների օգնությամբ, կարմիր տուֆով կառուցել է Սուրբ Աստվածածին եկեղեցին: Նա երազում տեսել էր եկեղեցու պատկերը և նույնությամբ կրկնօրինակել: Հայկական ոճով կառուցված եկեղեցու խորանը ունի զույգ ավանդատուն: Զանգակատուն չունի: Եկեղեցին օծվել է 2001 թ. օգոստոսի 12-ին՝ Սուրբ Աստվածածնի Վերափոխման տոնին, ձեռամբ Արարատյան Հայրապետական թեմի Առաջնորդական փոխանորդ Տեր Նավասարդ եպիսկոպոս Կճոյանի: Գործող եկեղեցի է, որտեղ կատարվում են եկեղեցական բոլոր արարողությունները:
