ԵԿԵՂԵՑԻՆԵՐԸ
Սբ. Աստվածածին եկեղեցի,Գյուղ Վերին Արտաշատ
19-րդ դարում կառուցված եկեղեցին գտնվում է գյուղի կենտրոնական մասում` մայրուղու վրա: Ունի ուղղանկյուն հատակագիծ, կիսաշրջան խորան` կից ավանդատներով: Եկեղեցին ունի երեք կամարակապ պատուհաններ: Տանիքը երկթեք է, կառուցվել է կարմիր սրբատաշ տուֆով: Եկեղեցին կանգնեցված է երկաստիճան որմնախարիսխի վրա, ավարտվում է պարզ քիվով: Եկեղեցին պահպանվել է, ունի երկու մուտք` արևմտյան և հարավային կողմերում:
